المقصود من الثورة العلمية هي تلك التغيرات و التحولات الي كاطرا على المجالات العلمية و اللي كايغلب فيها العلم الجديد على العلم القديم و خاصة فالقرنين 16 و 17 و من بين المجالات العلمية اللي قاست هاد الثورة هي علم الفلك و علم الكيمياء و علم الهندسة و كاينين بزاف ديال المجالات وخرى.
نبداو بأهم ثورة علمية و اللي كاتمثل فاصلاح علم الفلك ، قاد هاد الثورة العالم كوبرنيك اللي كان عندو الفكر الفيتاغوري المتمثل فمركزية الشمس و دوران الارض هاد الفرضية العلمية انعكست بالايجاب على الفكر العلمي و الديني و الفلسفي فداك الوقت و قطعت مع التصورات القديمة ديال ارسطو و بطليموس و اللي كانت خالقة ازمة فعلم الفلك .
نمشيو لعلم الفيزياء تاهوا عرف ثورة كبيرة على يد غاليلي و نيوتن اللي نفاو فرضيات ارسطو حيث بنى أفكارو على الحدس و المناقشات العقلية و أنكر صلاحية التجارب و أكد أن الحواس هي المسؤولة عن نقل نتائج التجارب داكشي علاش كانت أفكارو و تفسيراتو بعيدة عن المنهج العلمي الحديث فمثلا:
- اكد ان سرعة الاجسام الساقطة كتختلف حسب اوزانها الشئ اللي كذبو غاليلي عن طريق التجرية الشهيرة فبرج ييزا و هنا جا قانون السقوط الحر الجديد : '' تترافق الأجسام الساقطـة سقوطا حراً في حركتــها''
- أكد أن الجسم الى ما اثرت فيه حتى قوة خارجية فهو ثابت أي أن باش يتحرك جسم خاص ضروري قوة تأثر عليه الشئ اللي نفاه نيوتن بالقانون الاول ديالو (قانون القصور الذاتي) ، نقدرو نقولو أن نيوتن كان متاثر بزاف باعمال كوبرنيك و غاليلي و من خلال تطور علم الرياضيات ديك الوقت فالتكامل و التفاضل تمكن نيوتن يوحد ميكانيك كيبلر و غاليلي بعلاقات رياضية هي ديك القوانين الاساسية الثلاث المبنية عليها الميكانيك الكلاسيكية.
نمشيو لعلم الكيمياء حيث أن فالقرن17 كانت الكيمياء مرتكزة على واحد النظرية اسمها نظرية الفلوجستون حيث ان هاد الفلوجستون هو داك العنصر الموهوم المتسبب في احتراق المادة اي جوهر اللهب و الكبريت واحد منهم ، الشئ اللي خلى هاد النظرية ماتعطيش تفسير للتجارب الكيميائية حتى جاء أبو الكيمياء الحديثة أنطوان لافوازييه هاد السيد اللي جمع و طوى مع نظرية الفلوجستون اللي كانت دايرة العصى فالرويضة باكتشافو لمادة الاوكسجين و تمكن التقدم و تفسير طبيعة بزاف ديال المواد الكيميائية.
تعليقات بلوجر
تعليقات فيسبوك