كما كيعرف الجميع أن الهندسة المستوية كاتسمى الهندسة الأقليدية نسبة للعالم اقليدس (أب الهندسة)، هاد العالِم كان جمع الأبحاث اللي قاموا بها الاغريق قبل الميلاد و زاد بلورها و تمكن من جمعها فكتاب بعنوان "الاصول" (أو بعنوان العناصر) و اللي اصبح المرجع الأساسي لدراسة الهندسة، و كان منهج اقليدس كايعتمد على توظيف مجموعة من المسلمات و البديهيات في اثبات نظرياته و كاينين 5 ديال المسلمات فهاد الهندسة هي :
------------------------
1 - بين كل نقطتين مختلفتين يمكننا توصيل خط مستقيم وحيد
2 - يمكننا مد اى قطعة مستقيمة من كلا طرفيها الى مالا نهاية
3 - يمكننا رسم اى دائرة اذا علمنا مركزها ونصف قطرها
4 - جميع الزوايا القائمة متساوية
5 - اذا قطع مستقيمان ثالث بحيث يكون مجموع الزاويتين الداخليتين على جهة واحدة من القاطع اقل من قائمتين. فان المستقيمان سوف يلتقيان اذا مددناهما على نفس هذه الجهة.
-------------------------
هاد المسلمات بقات دائما محل الشك على مر القرون وخاصة المسلمة الخامسة اللي اسمها "مسلمة التوازي" و اللي عندها صياغة حديثة سميتها مسلمة بلاي فير Playfair و هي: "من نقطة ما خارج مستقيم معلوم، يمر مستقيم وحيد بحيث يكون المستقيمان متوازيان" ، هاد المسلمة اللي ماقدروش الرياضياتيون يبينوها ولايفنذوها و ماقدروا يتخلاو عليها لانها الركيزة الأساسية ديال هاد الهندسة و من بين نتائجها نظرية ان مجموع زوايا المثلث 180 درجة ، الشئ اللي خلى عدة تساؤلات تبان من بينها واش منقدروش نلقاو مكان و نسق هندسي جديد بلا هاد المكان الاوقليدي؟ بتعبير آخر واش ممكن نلقاو مكان جديد يكون فيه مجموع قياسات زوايا مثلث كبر ولا صغر من 180 درجة؟ من هاد التساؤلات غادي تبلور ثورة و تمرد حقيقي على هندسة اوقليدس اللي ماقدر تاواحد يزعزعها لمدة قرون .
للموضوع تتمة إن شاء الله باش نتعرفو على نتائج هاد الثورة اللي خرجات لينا هندسات جديدة اشمل من ديال اقليدس.
تعليقات بلوجر
تعليقات فيسبوك